Студенттермен тәрбие және оқудан тыс жұмыс мамандарды дайындау үдерісінің ажырамас бөлігі болып табылады және тәрбиенің өзекті мәселелерін шешуге жауап беретін құралдар мен іс-әрекеттер жүйесін құру, терең кәсіби білім мен білімдерді, жоғары моральдық және патриоттық қасиеттерді үйлестіретін, құқықтық және коммуникативтік мәдениетін меңгерген, шығармашылық өзін-өзі танытуға қабілетті және белсенді азаматтық позицияға ие колледж түлектерінің жеке және кәсіби қалыптасуы үшін қолайлы жағдай жасау мақсатында жүргізіледі. Қоғамдық ұйымдар, бірлестіктер, шығармашылық ұжымдар мектебінен, волонтерлік қозғалыс мектебінен өтіп, студент ғалымға, жетекшіге, қоғам қайраткеріне қажетті өмірлік бағдар, ұйымдастырушылық және көшбасшылық дағдыларды, тұлғалық қасиеттерді меңгереді. Тиімді тәрбие жұмысы тұлғаның интеллектуалдық және шығармашылық әлеуетін қалыптастыру міндеттерін шешеді, тұлғаның өзін-өзі дамыту және өзін-өзі бекіту, барлық студенттердің қабілеттерін жетілдіру үшін барлық жағдай жасауға мүмкіндік береді.

- білім беру ұйымдарында тәрбие процесін ұйымдастыруды жүзеге асырады;

- тәрбие жұмысын ұйымдастыру бойынша жоспарлар мен іс-шараларды әзірлеуді қамтамасыз етеді, кәсіптік бағдар беру жұмысының ағымдағы және стратегиялық жоспарлауын үйлестіреді, олардың іске асырылуына бақылауды жүзеге асырады;

- оқу жылына тәрбие жұмысының жоспарын әзірлейді;

- педагог-психологтың, әлеуметтік педагогтің, оқу-тәрбие жұмысы мәселелері жөніндегі топ басшыларының қызметін басқарады;

- дене шынықтыру-сауықтыру және көркем-эстетикалық бағыттағы топтар басшыларының, тәрбиешілердің, кітапханашылардың, қосымша білім беру оқытушыларының қызметін үйлестіреді;

- тәрбие жұмысына талдау жүргізеді;

- тәрбие жұмысы бойынша әдістемелік құжаттаманы әзірлеу бойынша жұмысты ұйымдастырады, тәрбие процесінің сапасына, ерекше білім берілуіне қажеттілігі бар білім алушылармен және девиантты мінез-құлықты балалармен жеке жұмысқа жүйелі бақылауды жүзеге асырады;

- тәрбие жұмысының мазмұнын, нысандары мен әдістерін жетілдіреді;

- дене тәрбиесі процесін, спорттық-сауықтыру және әскери-патриоттық жұмысты дамытуды үйлестіру бойынша, білім алушыларға салауатты өмір салты нормаларын дарыту бойынша жұмысты жүзеге асырады;

- педагогтар мен білім алушылар арасында тәрбие жұмысы бойынша семинарлар, конференциялар, конкурстар және басқа да іс-шаралар өткізуді ұйымдастырады;

- білім алушылардың патриоттық, азаматтық, интернационализм, жоғары мораль мен имандылықты қалыптастыру, жан-жақты қызығушылықтары мен қабілеттерін дамыту бойынша жұмысты жүзеге асырады;

- жетім балалар мен ата-анасының қамқорлығынсыз қалған балалар қатарындағы тәрбиеленушілермен жұмысты ұйымдастырады, Қазақстан Республикасының заңнамалық актілеріне сәйкес олардың заңды құқықтары мен мүдделерін қорғайды;

- жасөспірімдер арасындағы құқық бұзушылықтардың алдын алу бойынша жұмысты ұйымдастырады, оқу-материалдық базаны нығайту жөніндегі жұмыстарды ұйымдастыруды жүзеге асырады;

- қоғам және құқық қорғау органдарының өкілдерімен, ата-аналармен және ата-аналар комитеттерімен тәрбие процесін қамтамасыз ететін білім беру ұйымының әкімшілігі, қызметтері мен бөлімшелері өкілдерінің өзара іс-қимылын үйлестіреді;

- білім беру ұйымдарында қолайлы моральдық-психологиялық ахуал жасауды қамтамасыз етеді;

- ерекше білім беру қажеттіліктері бар білім алушыларды психологиялық-педагогикалық қолдау қызметінің жұмысын үйлестіреді;

- еңбек қауіпсіздігі және еңбекті қорғау, өртке қарсы қорғау жөніндегі қағидалар талаптарының орындалуын қамтамасыз етеді;

- білім алушыларға медициналық қызмет көрсету жағдайын бақылауды жүзеге асырады;

- тәрбие жұмысының нәтижелері туралы есеп береді;

- жастар мен жұмыспен қамтылмаған халық арасында кәсіптік бағдарлау жұмысын ұйымдастыру бойынша ұсынымдар әзірлейді;

- техникалық және кәсіптік, орта білімнен кейінгі білім беру ұйымдарының басшылары орынбасарларының біліктілікті беру (растау), арттыру кезінде қойылатын тиімділік көрсеткіштеріне сәйкес келеді;

- білім алушылар, педагогтар және басқа да қызметкерлер арасында сыбайлас жемқорлыққа қарсы мәдениетті, Академиялық адалдық қағидаттарын бойына сіңіреді.